الرئيسية
نكتة المساء
طلعت جماعة من الحماصنة لعند الوزير محتجة ومعصبة
من انو العالم بعيبو عليون وبقولو انو يوم الاربعاء عيد المجانين
بين قوسين عيد الحماصنة
بلا طول سيرة
هدول الحماصنة قالولو للوزير
بصوت عالي ومحتج ومعصب
يا سيدنا ما بصير ما لازم نحنا اذكى شعب بالعالم
نحنا ارقى شعب بالعالم ونحنا ونحنا ونحنا
قلهم الوزير طيب شو بدكن هلأ
قالولو بدنا تشيل عننا انو يوم الاربعاء عيدنا
وانك تعمل عقوبة للي بقول عن الحماصني مجانين
قلهم طيب بس بشرط
قالولو شو هوي
قلهم
راح اسألكم سؤالين ان جاوبتوني عليهم صح بصير متل ما بدكن واذا
ماعرفتو الاجوبة متل ما اجيتو بتروحو وبضلو متل ما انتو
قالولو موافقين
سألهم _1_ مين ربح بمعركة بدر المسلمين او المشركين
صفنو ببعض شوي وقالولو
المسلمين
قلهم صح
السؤال التاني _
_ مين فاز ببطل الدوري سنة1996
الكرامة او الوحدة
صفنو ببعض شوي
وقالولو
الكرامة
قلهم صح ويالله ارجعو على حمص معززين مكرمين ويلي بكن اياه
راح يصير
صارو يتشكرو كتير
وهني طالعين اجى واحد حمصي سأل الوزير
سيدي يعني منفهم من كلامك انو المسلمين والكرامة راح يلعبو عالنهائي
